Sumedang Kota Buludru

Ikhsan Setiawan Almachzumi
1 view / 1413 show
2 years ago
Education

           Nurul Ikhsan

           Picture By Wewengkon Sumedang

          Sumedang, hiji kabupaten nu ayana di provinsi Jawa Barat, ngawengku ti 26 kacamatan nu dibagi deui jadi desa jeung kalurahan. Lega wilayah sakabehanana 1.552,21 km2 jeung kapadetan pendudukna 730,62 jiwa/km2. Kawitnamah Kabupaten Sumedang tèh karajaan nu didirikeun ku Prabu Geusan Ulun, ngan ku lumangsungna waktos, ayeuna pamarentahan Sumedang bentukna kabupaten.

           

            Baheula, Sumedang tèh matak pikabetaheun. Loba keneh tatangkalan nu matak kana hawa seger tu bareresih. Ti tauh 1960-an nepikeun ka taun 1980-an mah masih kènèh kaalaman. Tangkal asem jeung mahoni di sisieun jalan tèh lain bohong. Gedè arajeg ngajajar matak pikabetaheun panon. Lingkungana nu beresih asri tur jadi panambah kaèndahannana.

 

            Ngan, mimiti taun 1970-an, tatangkalan èta nu aya di sisi jalan tèh geus mimitian ditaluaran, nya alesannamah pembangunan nu mulai ngembang di Sumedang nu nyebabkeun hayang teu hayang èta tangkal asem jeung mahoni tèh sawareh ditaluaran, salain ti èta, tangkal anu geus umuran jadi alesan sèjèna. Matak ngabahayakeun kana kasalametan masarakat Sumedang.

 

            Sumedang katelah jadi kabuaten anu bersih pikabetaheun. Taun 1984 Kabupaten Sumedang meunang Piala Adipura, nyaèta piala ti pamarèntah pusat pikeun kabupaten/kota nu miboga hasil kanu kabersihan sarta nata kota jeung lingkungan hidup kota. Ogè èta piala tèh teu sarta merta meunangna babari, butuh usaha leuwih pikeun meunangkeunana, komo deui mertahankeunana. Leupas ti taun-taun ka hareupna, Sumedang gagal mertahankeun Piala Adipura. Meunang- meunang deui taun 1997, bupati Sumedang barèto, H. M. Husein Jachjasaputra suksès meunangkeun deui Piala Adipura nu ka dua kalina. Pikeun ngingetkeun Sumedang meunang Adipura, pamarèntah ngabangun Tugu Adipura di bunderan Alam Sari. Nu jol ti Cirebonkeun mah pasti ningali èta tugu, tugu nu ngingetkeun yen Sumedang pernah jadi kota nu bersih jeung èndah.

 

            Ayeuna, bororaah bareresih, runtah ngayak, nya bau jeung ngaganggu. Dikotana, pasti wèh ti ungal walungan atawa solokan, runtah ngabayah, nya atuh mun hujan tèh cai naèk. Komo hujan geude, cacakan hujan leutik wèh cai pasti naèk. Mun usum halodo, caina ngeyeumbe, bararau koco, walungan gè percis wèh TPU, dikotana komo, nya atuh walungan nu di hulu gè geus mimiti ngaruntah. Komo deui loba pabrik aci nu miceun limbah na ka walungan, tamah ruksak wèh walungan nu kuduna mèrè manfaat, kalah mèrè panyakit.

 

            Taun ayeuna, geus 18 taun lilana, Sumedang kudu meunangkeun deui gelar kabupaten/kota nu bersih jeung èndah. Ngan teu saeutik pasualan nu kudu ku urang bebenah. Bekasi nu kaabus kawasan jabodetabek geus dicoret lantaran TPU Bantar Gebang nu beuki ngagunung ku runtah, Bandung nya kitu kènèh, ngan can dicorèt hungkul. Sampah jadi pasualan nomer hiji ti ungal daèrah pikeun meunangkeun Piala Adipura. Tah urang gè sarua, ayeuna pamarèntah geus mulai bèbènah, trotoar jeung jalan geus di aromean, Pasukan Kuning gè geus mulai aya deui. Tingal kasadaran urang pikeun ngamajukeun Sumedang jadi nu leuwih, leuwih èndah, leuwih beresih, leuwih motèkar tur leuwih maju jeung katelah deui Sumedang Kota Buludru. Mun teu ku urang Sumedang, rèk ku saha deui.

 

Sumber

www.inilahkoran.com

www.inilah.com

www.wikipedia.com

Share On :